आजदेखि उपराष्ट्रपति निर्वाचनका उम्मेदवारका लागि प्रचारप्रसार गर्न निषेध गरिएको छ।

निर्वाचन आयोगका अनुसार उपराष्ट्रपति निर्वाचनका लागि आज राति १२ बजेदेखि चैत्र ३ गते चुनावसम्म प्रचारप्रसारमा रोक लगाइएको छ।

उक्त अवधिमा निर्वाचन प्रचारप्रसार लगायत कुनै पनि प्रकारका छलफल, अन्तरक्रिया, सभा, सम्मेलन, कार्यशाला, गोष्ठी आदि गर्न निषेध गरिएको छ।

निर्वाचनका लागि चैत्र ५ गतेसम्म आचारसंहिता लागू भइसकेकाले निर्वाचनको ४८ घण्टाअघि देखि नै आयोगले उम्मेदवारको प्रचारप्रसारमा रोक लगाएको हो। 

उपराष्ट्रपतिका लागि रामसहाय प्रसाद यादव,प्रमिला कुमारी यादव , ममता झा र अष्टलक्ष्मी शाक्य उम्मेदवार रहेका छन।