गृह मन्त्रालयले नियम विपरीत व्यक्तिगत रुपमा राखिएका सुरक्षाकर्मीलाई फिर्ता गर्न मातहतका सुरक्षा निकायलाई निर्देशन दिएको छ ।

गृह मन्त्रालयले आज एक विज्ञप्ति जारी गरी  बहालवाला तथा पूर्वकर्मचारी र सुरक्षाकर्मीले नियम विपरीत व्यक्तिगत सुरक्षाकर्मी र सहयोगी राखेको भए फिर्ता गर्न ४८ घण्टाभित्र  निर्देशन दिएको हो ।

विशिष्ट व्यक्तिहरुको सुरक्षा व्यवस्थापन कार्यविधि २०७७ को व्यवस्था भन्दा विपरीत सेवा सुविधा लिएको र व्यक्तिगत सुरक्षाकर्मी तथा सहयोगी राखेको भए ४८ घण्टाभित्र फिर्ता गर्न गृह मन्त्रालयका प्रवक्ता फनिन्द्र पौडेलद्वारा जारी विज्ञप्तिमा उल्लेख छ ।