राजनिति

एकीकृत समाजवादीमा मन्त्री फेरिँदै, यी नेता बन्दैछन् मन्त्री !

अनलाइन नेपालगंज

आईतवार, २२ जेष्ठ २०७९

काठमाडौं। नेकपा एकीकृत समाजवादीले आफ्ना मन्त्रीहरु हेरफेर गर्ने निर्णय गरेको छ ।

पार्टीको सचिवालय समितिको आइतबार बसेको बैठकले यसअघि सरकारमा रहेका ५ नेतालाई फिर्ता बोलाएर उनीहरुको स्थानमा ५ नेताको नाम मन्त्रीका लागि आजै प्रधानमन्त्री शेरबहादुर देउवालाई बुझाएको छ ।

एकीकृत समाजवादीका उपमहासचिव विजय पौडेलका अनुसार सरकारमा सहभागी गराउन ५ नेताको नाम प्रधानमन्त्री देउवालाई बुझाइसकिएको छ ।

उनका अनुसार अब भवानी खापुङ स्वास्थ्य तथा जनसंख्या मन्त्री, जीवनराम श्रेष्ठ संस्कृति, पर्यटन तथा नागरिक उड्डयन, मेटमणि चौधरी शहरी विकास, शेरबहादुर कुँवर श्रम, रोजगार तथा सामाजिक सुरक्षा मन्त्री बन्नेछन् भने हीरा केसी स्वास्थ्य तथा जनसंख्या राज्यमन्त्री बन्ने भएका छन् ।

यसअघि एकीकृत समाजवादीबाट स्वास्थ्यमा विरोध खतिवडा, पर्यटनमा प्रेमबहादुर आले, शहरी विकासमा रामकुमारी झाँक्री, श्रममा कृष्णकुमार श्रेष्ठ मन्त्री थिए । स्वास्थ्य राज्यमन्त्रीमा भवानी खापुङ थिए ।