विशेष

यसरी मनाइयो गणतन्त्र दिवश (फोटोफिचर)

अनलाइन नेपालगंज

आईतवार, १५ जेष्ठ २०७९

काठमाडौं । देशमा शनिबारदेखि नै पानी परिरहेको छ । यस्तै, आइतबार पनि पानी परिरहेको छ । तर पानीले गणतन्त्र दिवशलाई छेकेन । झरीका बीच पनि आइतबार १५औँ गणतन्त्र दिवस धुमधामका साथ मनाइएको छ । काठमाडौंको सैनिक मञ्च टुँडिखेलमा कार्यक्रम गरी गणतन्त्र दिवश मनाइएको हो ।

गणतन्त्र दिवस मूल समारोह समितिले आयोजना गरेको कार्यक्रममा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, कामु प्रधानन्याधीश दीपककुमार कार्की, प्रतिनिधिसभाका सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सनासहित संवैधानिक निकायका पदाधिकारी, नेपालस्थित कूटनीतिक नियोगका प्रतिनिधिलगायतको उपस्थिति रहेको थियो ।

 

 

नेपाली सेनाको हेलिकोप्टरबाट पृष्पवृष्टिसहित शुभारम्भ भएको सो कार्यक्रममा नेपाली सेना, नेपाल प्रहरी र सशस्त्र प्रहरी बलका टुकडीले मार्च पास र राष्ट्रियभावका गीतमा संयुक्त ब्यान्ड प्रस्तुत गरेका थियो ।


समारोहमा ‘मेरो टोपी कैलाशको शीरजस्तो‘’, बनेको छ पहराले यो छाती मेरो‘’ र ‘धेरै छ गर्नु स्वदेशको सेवा नेपाली भन्नलाई‘’ बोलका गीत सङ्गीत गुञ्जिएका थिए । प्रतिकूल मौसमका कारण यसवर्ष विविध जाजातिगत झाँकी र प्रदर्शनी भने राखिएको थिएन ।


जनताको बलिदानीपूर्ण सङ्घर्षको फलस्वरुप २०६५ जेठ १५ गते संविधानसभाको पहिलो बैठकबाट राजतन्त्रको अन्त्य भई गणतन्त्रको घोषणा भएको थियो ।