समाचार

बाबुराम भट्टराईद्वारा एमाओवादी परित्यागको घोषणा

अनलाइन नेपालगंज

आईतवार, १० आश्विन २०७२

•संविधानसभा सदस्यबाट पनि राजीनामा
• भन्छन्, ‘एमाओवादीमा फर्कने सम्भावना छैन’

पूर्व प्रधानमन्त्री डा. बाबुराम भट्टराईले एकीकृत नेकपा माओवादी पार्टी परित्यागको घोषणा गरेका छन् ।

शनिबार दिउँसो पत्रकार सम्मेलन सम्मेलन गरेर भट्टराईले एमाओवादी परित्यागको घोषणा गरेका हुन् । यससँगै बाबुराम भट्टाराई र पुष्पकमल दाहाल प्रचण्डको तीन दशक लामो राजनीतिक सहकार्य तोडिएको छ । भट्टराईले पार्टीको साधारण सदस्य समेत नरहने गरी पार्टी परित्याग गरेको जानकारी माओवादी अध्यक्ष प्रचण्डलाई गराएका छन् ।

संसद सदस्यबाट पनि राजीनामा

गोरखा क्षेत्र नम्बर १ बाट प्रत्यक्ष निर्वाचित उनले संसद सदस्यबाट पनि राजीनामा दिएको घोषणा गरे । राजीनामा पत्र सभामुखलाई बुझाइसकेका छन् ।