लोडसेडिङ मुक्त कञ्चनपुरको माग गर्दै चरणवद्ध आन्दोलनमा उत्रिएका विद्यार्थी संगठनले आज कञ्चनपुर जिल्लामा आज दिउँसो १ बजेसम्म गरेको आमहडतालका कारण जनजीवन प्रभावित भएको छ । आमहडतालका कारण बजार व्यवसाय, कलकारखाना, शिक्षणसंस्था, यातायात लगायत सबै क्षेत्र ठप्प भएका छन् ।

विद्यार्थी संगठनहरुको हिजो बसेको बैठकले आज बिहान ७ बजेदेखी १ बजेसम्म कञ्चनपुर जिल्लामा आमहडतालको घोषणा गरेको थियोे । नेपाल विद्युत् प्राधिकरणले आफूहरुसँग गरेको सम्झौताको उल्लङ्घन गर्दै दैनिक ७ / ८ घण्टा लोडसेडिङ गरेको भन्दै कञ्चनपुरमा क्रियाशील विद्यार्थी संगठन चरणबद्ध आन्दोलनमा उत्रिएका छन् ।