भूकम्पपछि स्थगित राष्ट्रिय लिग फुटबल प्रतियोगिताका बाँकी खेलहरु यही भदौ २८ गतेदेखि पुनः सुरु हुने भएका छन् ।

अखिल नेपाल फुटबल संघ एन्फाको हिजो बसेको कार्यसमिति बैठकले भदौ अन्तिम साताबाट लिग सुचारु गर्ने निर्णय गरेको हो । लिगमा सहभागी सबै क्लवका प्रतिनिधिहरुसँगको छलफलका आधारमा खेल तालिका तयार गरिएको एन्फाले जनाएको छ ।

लिग तालिकामा ८ खेल खलेको झापा ११ शीर्ष स्थानमा रहेको छ भने ७ खेल खेलेको सशस्त्र प्रहरी दोस्रो स्थानमा रहेको छ । त्यस्तै ७ खेलनै खेलेको नेपाल आर्मी तेस्रो स्थानमा रहँदा ६ खेल खलेको थ्रीस्टार चौथो स्थानमा छ ।