डाक्टर डेथको नामबाट समेत परिचित डाक्टर फिलिपले यो मेसिनको नाम डेस्टिनी राखेका छन् । अनौठो त के भने फिलिपले एउटा आत्महत्या क्लब नै स्थापना गरेका छन्, जसमा १० हजार मानिस सदस्य छन् । उनी यी सदस्यहरुलाई सावधानी पूर्वक आत्महत्या गर्ने तरिकाका विषयमा बताउँछन् ।

मानिसलाई आत्महत्याको परामर्श दिने डाक्टर फिलिपले बनाएको आत्महत्या मेसिनको विषय निकै विवादित बनेको छ । यसका कारण उनी कानूनी लफडामा फसेका छन् ।

तर छिटै कानूनी विवाद हल हुने र इजाजत पाएर यो मेसिन बजारमा आउने विश्वास उनको छ । यो मेसिनमा कुनैपनि अवैध चिजको प्रयोग नगरिएको दाबी उनको छ ।

हालै फिलिपले यो मेसिनको प्रदर्शनी गर्न चाहेका थिए । तर स्थानीय अधिकारी तथा पुलिसले नाइट्रोजन ग्यासको प्रयोगमा रोक लगाइदिए । त्यसपछि उनले ग्यास विनाकै भएपनि मेसिन प्रदर्शन गरे । आफुले यो मेसिनलाई अनलाइनबाट बेच्न चाहेको उनको भनाइ छ ।

मानिसमा आफु बाँच्ने वा मर्ने भन्ने निर्णय लिने अधिकार सुरक्षित रहेको तर्क उनको छ । कानूनी हिसाबमा कसैलाई पनि आत्महत्याका लागि प्रेरित गर्नु अपराध हो ।

तर पनि यो मेसिनले कानूनी मान्यता पाउने विश्वास उनको छ ।  उनी भन्छन्, ‘मानिसले डोरीको पासो लगाएर आत्महत्या गर्छ भन्दैमा डोरीको बिक्रिमा रोक लगाउनु तर्कसँगत हुँदैन ।’

डाक्टर फिलिपको आत्महत्या मेसिनको स्वयं डाक्टरहरुले नै विरोध गरिरहेका छन् । मानसिक अवस्था ठीक नरहेका मानिसलाई आत्महत्या मेसिन होइन, सही परामर्श तथा स्याहार आवश्यक पर्ने तर्क कतिपय डाक्टरहरुको छ ।

सर्वसाधारण मानिसहरुले पनि यो आत्महत्या मेसिनको विषयमा तिव्र विरोध जनाइरहेको मिरर अनलाइनले जनाएको छ ।

– See more at: http://www.onlinekhabar.com/2015/08/311741/#sthash.D4thmOEG.dpuf